ehost expert review with uptime

የበሽታ ጫና እንደከዚህ ቀደሙ ከግለሰብ እስከ ሰፊዉ ማህበረሰብ በሚደረግ ፈጣን ምላሽ መግታት ካልተቻለ ቫይረሱ እንደ ሰደድ እሳት ዉስጥ ለዉስጥ ተዛምቶ ለበርካታ ዉስብስብ ችግሮች ሊዳርግ እንደሚችል ገልፀዉ ይህ እንዳይከሰት የጤናዉ ሴክተር ትኩረት ሰጥቶ ከሚንቀሳቀስባቸዉ ተግባራት ዉስጥ ይበልጥ ተጋላጭና ትኩረት የሚሹ የማህበረሰብ ክፍሎች ላይ ያነጣጠረ ምርመራ 90 በመቶ ማድረስ፣ ተመርምረዉ ራሳቸዉን ካወቁት ዉስጥ ቢያንስ 90 በመቶዉ የፀረ-ኤችአይቪ መድሃኒት እንዲጀምሩ ማስቻል እንዲሁም መድሃኒቱን እየወሰዱ ላሉ ተገልጋዮች የሚሰጠዉን አገልግሎት ጥራቱን የጠበቀ በማድረግ በደማቸዉ ዉስጥ ያለዉን የቫይረስ መጠን በመቀነስና የተሻሻለ የሲዲፎር መጠን ንዲኖራቸዉ ክትትል ማድረጉ ላይ በትኩረት እየተሰራበት መሆኑን ተናግረዋል፡፡ ዘንድሮ በሀገር አቀፍ ደረጃ ለ31ኛ ጊዜ “ማህበረሰብ የለዉጥ አቅም ነዉ” በሚል መሪ ቃል የሚከበረዉን የአለም ኤድስ ቀን ምክንያት በማድረግ በሚፈጠረዉ የንቅናቄ ስራ ላይ ሁሉም የህብረተሰብ ክፍል ያለዉን አስጊ ሁኔታ ባገናዘበ መልኩ በባለቤትነት በመንቀሳቀስ በሽታዉ ዳግም በየሰዉ ቤት የማንኳኳት ሂደቱ እንዳይቀጥል ተመርምሮ ራስን በማወቅ፣ ለቫይረሱ የሚያጋልጥ ሁኔታ የገጠማቸዉን የቤተሰብ አባላት በማስመርመርና ቫይረሱ በደማቸዉ ያለባቸዉን ወገኖች ከማግለል ይልቅ በአግባቡ መድሃኒታቸዉን በመዉሰድ ጤናማ ህይወት እንዲመሩ በማገዝና በማበረታታት የቫይረሱን ስርጭት በተባበረ ክንድ እንግታ ሲሉ አቶ ሳሙኤል ለመላዉ የክልሉ ህብረተሰብ ጥሪያቸዉን አስተላልፈዋል፡፡