ehost expert review with uptime

ቢሮ ኃላፊው አያይዘው እንደገለጹት የጤና ስራዉ ባለቤት ህዝቡ እንደመሆኑ ለሚገጥሙት ችግሮች መፍትሄ ራሱ ህብረተሰቡ ዘንድ ያለ በመሆኑ ህብረተሰቡ ራሱ የተግባሩ ባለቤት መሆኑን አምኖ መስራት የሚችልበት ደረጃ ማድረስ ከሴክተሩ ይጠበቃል፡፡ በዚሁ ወቅት ከአራቱ ትራንሰፎርሜሽን አጀንዳዎች አንዱ የሆነዉ የወረዳ ትራንሰፎርሜሽን ይፋ ተደርጎ ወደ ሥራ ከተገባ በኋላ የወረዳ ትራንስፎርሜሽን ተግባራትን መሰረት ያደረገ የሁኔታዎች ዳሰሳ ማድረግ፣ መነሻ ማስቀመጥ፣ ነባራዊ ሁኔታ ባገናዘበ መልኩ ግልጽና ዝርዝር ዕቅድ ማዘጋጀት፣ ሞዴል ቀበሌዎችን እና ሞዴል ት/ቤቶችን ማፍራት፣ ቤት ዉስጥ ከመዉለድ ነፃ እና ሜዳ ላይ ከመፀዳዳት ነፃ ቀበሌዎች በማበራከት በወረዳው ውስጥ ያሉ መሰረታዊ የመጀመሪያ ደረጃ ጤና አገልግሎት አሀድ (ጤና ጣቢያዎችና ጤና ኬላዎችንና የመጀመሪያ ደረጃ ሆስፒታሎችን) ወደ ከፍተኛ አፈጻጸም ደረጃ ማሻጋገር የመሳሰሉ መስፈርቶችን በጥልቀት በመፈተሽ በሁሉም ነጥቦች ምሉእ ባይሆኑም በክልሉ ካሉት ዞኖች ዉስጥ በወረዳ ደረጃ ተመዝነዉ የተሻለ አፈፃፀም ላይ ያሉትን 4 ወረዳዎች (1ኛ ምዕራብ አዘርነት በርበሬ፣ 2ኛ እዣ፣ 3ኛ ዳሞት ጋሌ እና 4ኛ ሳይለም ወረዳዎች) በመለየት በጉባዔው ማጠቃለያ የእዉቅና ሽልማት መስጠቱ በሴክተሩ የተጀመሩ የትራንስፎርሜሽን አጀንዳዎች ስኬታማ እንዲሆኑ ለማድረግ የጎላ ፋይዳ እንዳለዉ ተሳታፊዎች በአፅንኦት ተናግረዋል፡፡